但係我嘅如意算盤又點會咁易打得響.  事關一向古惑又賴皮嘅阿低又點可能放過玩嘅機會呢.  成個大悶樣俾你睇, 你話點算好?   結果咪....忍受住熱辣辣嘅天氣都落街玩波囉.  係玩咗成個鐘佢都覺得吾夠呀.  正一爛玩怪.

   好悶呀!

(閱讀全文)

請嚟型仔嘅阿低示範吓先.

講到依招, 阿低只係初哥. 能做出有難度嘅M字手, 就係佢哎也阿哥肥星啦.

佢好西利架, 伏係到又得, 側身又得, 反轉都可以. 勁呀!

此文同時將貼於YAHOO BLOGM字手

究竟邊個至係真兇呢?  妹豬?  阿低?

邊隻能有如此牙力將堅硬嘅牛骨分屍呢!

個原兇就係有一團白影嘅......

(閱讀全文)

 案件發生係前晚, 大約11點左右. 正當我全神睇緊雜誌嘅時候, 慘案就不經不覺咁發生咗.   當然此案必定與這兩姊弟有關. 事源, 依兩姊弟係9點多時已落街小玩片刻. 但意猶未盡回家清潔完後再嚟多個夜場, 互相娛樂. 簡直將屋企變成遊樂場. 

你追我跑, 你跳我撞....... 咁樣玩法, 狗到會攰架. 大小姐同二少爺就要飲吓水, 再伏吓嘆吓骨先.  主角終於出場啦~~ 就係煙燻味牛骨一絛.  由於佢有一身體味, 所以一向比白雪雪冇味嘅受歡迎. (狗嘅標準係體味愈強愈受歡迎.......)  佢係大約個多月前嚟到我屋企, 就咁開始咗不斷被拆磨嘅日子.  但最不幸嘅事情終於發生, 本來尚算完好嘅牛骨慘被解體.

(閱讀全文)

布爹利就係細眼狗狗嘅大代表. 佢地嘅五觀簡直絕配, 完全襯托佢地嘅傻氣同攪笑表情. 而面長長頭大大嘅細佬低就擁有如此一對三角眼. BB時嘅阿低係好得意, 但真係估吾到依家成隻佬咁. 仲要加對睥睥咁嘅眼. 樣子實在攪嘢.

(閱讀全文)

睇佢個樣幾咁Q    BB個時俾人哋叫過做朦面超人架.      

 其實從來都冇諗過會養多一隻狗狗, 因為一直都係最錫妹豬, 怕阿囡會吾鐘意吾開心.  仲要嘅就係品種係非常活潑好動嘅布爹利仔仔. 不過阿低嘅出現真係一種好難形容嘅緣份. 就算遇過好多得意嘅狗BB, 但都冇諗住養多隻嘅充動. 為獨就係阿低攪都人地再三考慮又考慮, 最後咪成為咗妹豬嘅大舊細佬囉.

依隻大舊B係香港2005年9月25日出世 (依家10個月啦),  佢取名DAI, 中文一個單字" 低 " (即弟弟嘅近音). 同妹豬同一個爸爸架,雖然同父異母但都算係姊弟. 就係咁妹豬就做咗家姐囉. BB時嘅阿低當然係隻得意仔, 人見人愛. 但初時妹豬就對我作出無聲抗議, 不過經漸漸相處之後妹豬反而樣樣遷就又會保護細佬. (阿低大隻過你咁多, 邊洗你保護呀)

  依隻虎紋囡就係阿低個親生媽媽, 我去接低仔個日佢媽媽都好吾捨得自己個仔仔.(當時我有同狗媽媽講: 放心啦, 低仔一定會快高長大開開心心架) 個狗主都有講隻狗媽媽好錫dBB架, 吾怪之得會依依不捨啦. 一胎6兄弟姊妹(好似係掛, 總之吾會少過5隻). 阿低就係第1隻出世嘅大仔, 所以最霸王.

為一嘅弟妹合照, 依家都吾知去左邊個主人到囉. 吾知有冇機會重逢呢.

由阿低加入我地屋企嘅第一日開始, 攪攪震嘅事件就一件件咁不斷發生. 已後再係到一一報導.

http://hk.myblog.yahoo.com/jw!CPeysl6XAh5VN2p0Jw--/article?mid=86

21-7-2006 磅重讀數. (當然係重咗啦 , 日日都食得好喎)

妹豬 - 17kg (37磅)    嘩, 一轉咗隻新狗糧就肥咗. 一定要減肥呀!

細佬低 - 23kg (50磅)  同樣重咗成5磅, 不過抱起佢嘅感覺係吾只50磅架.

論身型吾算大隻但就又實又重. 自從轉咗隻全天然狗糧Pinnacel(今次妹豬冇敏感啦) 又幾好喎, 分量同之前冇變但一食就吸收哂D營養攪都體重又升咗.  阿低係小朋友仲有得長就話冇所謂啫, 不過妹豬就吾可以再肥啦, 如果吾係又俾人笑似肥豬囉. 睇睇吓阿豬條腰又真係成個圓筒咁. 圓碌碌, 今次吾減吾得啦.

依個家姐都冇解嘅. 次次都係咁玩架啦, 今次無事端端鬧人喎. 我都只不過係咬吓耳仔, 咬吓條頸同d手腳之嗎....... 家姐一向都好錫同好遷就我嘅, 一定係傻咗啦, 所以亂咁鬧人囉.

家姐過嚟咬吓耳仔先呀.   (妹豬又會理阿低嘅)

再嚟咬埋條頸添.    (咬痛妹豬啦, 阿豬開始有d吾高興...)

做咩嘢咁惡喎, 一向都係咁玩架啦. 舉哂手咁咪諗住出手掌我呀,我擇你架. 

傻婆豬鬧人呀.......   最多咪 sorry囉.  (阿豬已經頂佢吾住, 阿低你玩到過哂火. 等家姐教吓你啦. 我吾理你lu)

今日終可以安定落嚟, 有噃自己個新位置. 太好啦. 特別係工程進行時攪到我嘅鼻敏感又噃發. 仲嚴重過之前. 依家工程完成, 就好好多囉.  不過由於我嘅文件+雜物+樣版實在太多......我諗又有排攪啦. Anyways, 那那淋set噃好我個風水陣先.

妹豬:Call me Queen, and see my Royal seat. 阿媽, 快d攞舊芝士骨嚟, 仲有開大個冷氣俾我呀.  (首輪測試! 幾fit喎, d color仲好襯)

灘長試吓個size先.

哎呀! 大動作咗d, 碌咗出嚟添.

卷噃個靚pose先, 瞓一瞓, 嘆吓先.

個日因為阿低去咗朋友仔到玩所以吾係屋企, 妹豬至有咁嘆喳.  臭低一定會用佢個大pat迫開家姐, 然後霸住當你自己架. 之前嘅攪攪震事件已親述報導.

布爹利(BT)一向俾人有d負面嘅感覺. 好多時都因為d人認為佢地係打狗, 一定好惡死. 人狗見到佢地都需回避吓. 其實現今嘅BT已好吾同, 仲邊有咁嚇人呀. 佢地俾阿媽打就有份. 所以一般被人話惡狗, 咬死人個d, 火狗, 似豬等奇奇怪怪嘅名稱都已麻目.  就大方d咪當佢地吾識嘢就算囉. 但今日有個女仔講嘅嘢我都係第一次遇到, 仲可以令到我FRIEND發火添.

事原佢中午帶阿低去街街辦事, 剛走到街口有個女仔行過就係到講阿低. (內容) 女: 嘩!好醜樣呀. 物咁肉酸嘅.  記住"醜樣+肉酸"依兩個形容詞係可以令人爆架.  我個friend即時回敬個女仔一句 - 又吾係你飬, 肉酸都吾關你事.  個女仔即時吾咁再講啦.  (如果當時俾我聽到可能爆發得仲西利.....)

阿低: 邊個話我醜樣又肉酸呀?!  你把咀就醜, 不之幾多人讚我靚仔呀.

PS - THANK YOU阿菁咁保護細佬低呀.  妹豬阿低錫哂你.

(閱讀全文)

我叫妹豬, 係隻布爹利囡囡. 即係BULL TERRIER. 我有出世紙架, 所以正式英文全名叫Tobie Marsion(意思係火星月兔B). 因為我細個時好似白兔仔, 仲會彈彈吓咁跳架. 至於"妹豬"就係湊過我嘅乳娘同乳爹改嘅. 我好鐘意依個咁親切嘅名, Mama仲鐘意叫我妹妹b或bb豬添.

我依家兩歲多啦. 2004-3月15日於香港出世. 一胎六兄弟姊妹(我到吾知自己排第幾lu), 爸爸媽媽都係全白BT. 所以我都白雪雪好靚女架.  不過我就細隻d, 得35磅. 但勝在苗條纖巧呀. 仲可以俾mama抱(我最鐘意抱抱架啦)

我都好乖架, 吾嘈吾亂吠. 又吾惡死. 但吾知點解有d人成日話我咬死人. 我咁有善, 你地咪亂講嘢呀.   係屋企我又吾會攪破壞嘅, 只係鐘意瞓覺同食野啫. (食咪就係第一位囉, 為食豬). 最愛芝士骨, 吾食芹菜. 寶貝玩具係兔公仔玩, 吾鐘意好嘈嘅bb波, 總之我吾玩有聲嘅玩具.

Mama好錫我架. 就係咁佢以為我會悶, 搵咗隻啡色嘢話嚟陪我喎. 個隻咪就係依家成日煩我又四圍攪事嘅細佬阿低囉. 阿低只不過大隻仔, 但講到耐力到吾夠我好又跑得慢過我架. 好啦, 留噃下編俾阿低先.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

(閱讀全文)

正當妹豬係佢個寶座瞓緊覺嘅時候, 阿低就扮吾覺意咬住條骨咁走過嚟望住家姐. 意思就好似叫妹豬俾個寶座佢坐咁. 而瞓緊覺嘅妹豬根本就吾會理佢(吾理就已經好客氣架啦, 一般細佬攪住佢瞓覺就實發脾氣架). 阿低就再一次吾覺意咁迫個大蘿柚入去.

阿低: 哈, 仲吾俾我入到位.  濟個pat入去坐住先.

妹豬: 死肥低, 你好大舊呀.

 阿低繼續以佢個大pat迫迫吓咁入位. (已經佔咗大半個寶座啦)

妹豬: 夠囉喎. 好迫呀,  點瞓呀........  (阿低繼續無賴, 點都吾郁.)

妹豬最終頂吾住咁迫而起身啦. 其實已經被阿低個pat迫到出咗個bed, 局住要起身喳.

結果無賴王又一次成功霸佔咗妹豬個寶座, 霸住個位係到咬骨. (個樣幾咁大枝嘢)

http://hk.myblog.yahoo.com/eris-muixdai

依個blog主要係講一對孖寶姊弟教你如何攪攪震, 完全真情流露.