文章分類: 攪攪震事件簿 (家有牛牛 ~ 妹豬&阿DAI)

好悶呀!

tobie0315 — Mon, 04 Sep 2006 23:37:23 +0800

星期六冇節目. 加上本星期短週放假嘅我, 真係想休息吓瞓個飽.

但係我嘅如意算盤又點會咁易打得響. 事關一向古惑又賴皮嘅阿低又點可能放過玩嘅機會呢. 成個大悶樣俾你睇, 你話點算好? 結果咪....忍受住熱辣辣嘅天氣都落街玩波囉. 係玩咗成個鐘佢都覺得吾夠呀. 正一爛玩怪.

好悶呀!

(閱讀全文)

誰是兇手? (下)

tobie0315 — Mon, 21 Aug 2006 18:02:06 +0800

究竟邊個至係真兇呢? 妹豬? 阿低?

邊隻能有如此牙力將堅硬嘅牛骨分屍呢!

個原兇就係有一團白影嘅......

(閱讀全文)

誰是凶手? (上)

tobie0315 — Wed, 16 Aug 2006 00:50:18 +0800

***注意*** 此真事含有某情度嘅暴力成份, 但絕無血腥!

案件發生係前晚, 大約11點左右. 正當我全神睇緊雜誌嘅時候, 慘案就不經不覺咁發生咗. 當然此案必定與這兩姊弟有關. 事源, 依兩姊弟係9點多時已落街小玩片刻. 但意猶未盡回家清潔完後再嚟多個夜場, 互相娛樂. 簡直將屋企變成遊樂場.

你追我跑, 你跳我撞....... 咁樣玩法, 狗到會攰架. 大小姐同二少爺就要飲吓水, 再伏吓嘆吓骨先. 主角終於出場啦~~ 就係煙燻味牛骨一絛. 由於佢有一身體味, 所以一向比白雪雪冇味嘅受歡迎. (狗嘅標準係體味愈強愈受歡迎.......) 佢係大約個多月前嚟到我屋企, 就咁開始咗不斷被拆磨嘅日子. 但最不幸嘅事情終於發生, 本來尚算完好嘅牛骨慘被解體.

(閱讀全文)

家姐鬧人嘅

tobie0315 — Wed, 12 Jul 2006 23:25:03 +0800

此次攪攪震事件由阿低親述, Mama只代筆記錄.

依個家姐都冇解嘅. 次次都係咁玩架啦, 今次無事端端鬧人喎. 我都只不過係咬吓耳仔, 咬吓條頸同d手腳之嗎....... 家姐一向都好錫同好遷就我嘅, 一定係傻咗啦, 所以亂咁鬧人囉.

家姐過嚟咬吓耳仔先呀. (妹豬又會理阿低嘅)

再嚟咬埋條頸添. (咬痛妹豬啦, 阿豬開始有d吾高興...)

做咩嘢咁惡喎, 一向都係咁玩架啦. 舉哂手咁咪諗住出手掌我呀,我擇你架.

傻婆豬鬧人呀....... 最多咪 sorry囉. (阿豬已經頂佢吾住, 阿低你玩到過哂火. 等家姐教吓你啦. 我吾理你lu)

追擊無賴王.

tobie0315 — Sun, 02 Jul 2006 01:13:01 +0800

一向愛攪亂檔, 賴皮+無賴嘅阿低今次又一新搞作. 佢自以為大隻就用個大蘿柚嚟出招蝦家姐.

正當妹豬係佢個寶座瞓緊覺嘅時候, 阿低就扮吾覺意咬住條骨咁走過嚟望住家姐. 意思就好似叫妹豬俾個寶座佢坐咁. 而瞓緊覺嘅妹豬根本就吾會理佢(吾理就已經好客氣架啦, 一般細佬攪住佢瞓覺就實發脾氣架). 阿低就再一次吾覺意咁迫個大蘿柚入去.

阿低: 哈, 仲吾俾我入到位. 濟個pat入去坐住先.

妹豬: 死肥低, 你好大舊呀.

阿低繼續以佢個大pat迫迫吓咁入位. (已經佔咗大半個寶座啦)

妹豬: 夠囉喎. 好迫呀, 點瞓呀........ (阿低繼續無賴, 點都吾郁.)

妹豬最終頂吾住咁迫而起身啦. 其實已經被阿低個pat迫到出咗個bed, 局住要起身喳.

結果無賴王又一次成功霸佔咗妹豬個寶座, 霸住個位係到咬骨. (個樣幾咁大枝嘢)